பிரதமராவது இருக்கட்டும் முதலில் ரேபரேலியில் வெற்று பெறுங்க என ராகுல் காந்தியை, பிரபல சதுரங்க விளையாட்டு வீரர் காஸ்போரவ் கலாய்த்துள்ளார்.
மக்களவைத் தேர்தலில் பாரதிய ஜனதா கட்சி அனைத்து தொகுதிகளுக்கும் வேட்பாளர்களை அறிவித்து தேர்தலை சந்தித்து வருகிறது. ஆனால் தோல்வி பயத்தால் காங்கிரஸ் வேட்பாளர்களை அறிவிப்பதில் தாமதம் ஏற்பட்டு வந்தது.
அதில் ஒன்றுதான் உத்தர பிரதேச மாநிலத்தின் அமேதி மற்றும் ரேபரேலி தொகுதியில் காங்கிரஸ் சார்பாக போட்டியிடும் வேட்பாளர்களின் பட்டியல். அந்த வகையில், வேட்புமனு தாக்கலின் கடைசி நாளான நேற்று (மே 03) இந்த இரு தொகுதிகளிலும் காங்கிரஸ் வேட்பாளர்கள் அறிவிக்கப்பட்டனர்.
அமேதி தொகுதியில் மத்திய அமைச்சர் ஸ்மிருதி இரானி மீண்டும் போட்டியிடுவதை அறிந்த ராகுல் காந்தி அத்தொகுதியில் எதிர்த்து போட்டியிடுவார் என காங்கிரஸ் கட்சியினர் பில்டப் கொடுத்து வந்தனர். ஆனால் சோனியா காந்தியின் ஆஸ்தான தொகுதியான ரேபரேலிக்கு ராகுல் ஓடிவிட்டார்.
முன்னதாக, ஜெய்ராம் ரமேஷ் ‘‘அரசியல் மற்றும் சதுரங்கத்தில் அனுபவம் வாய்ந்த வீரர்’’ என ராகுல் காந்தியை புகழ்ந்திருந்தார்.
இது ஒரு புறம் இருக்க எக்ஸ் வலைத்தளத்தில், பிரபல சதுரங்க விளையாட்டு வீரரான கேரி காஸ்பரோவ் ,பயனரின் ஒருவரின் பதிவிற்கு பதிலளிக்கும் விதமாக ராகுல் காந்தியை கலாய்த்து இருக்கிறார். பயனர் ஒருவர், ராகுல் காந்தியை செஸ் விளையாட்டு வீரர் என ஜெயராம் ரமேஷ் கூறியதை முன்வைத்து, ‘‘நல்ல வேலையாக கேரி காஸ்பரோவ் மற்றும் இந்திய சதுரங்க விளையாட்டு கிராண்ட்மாஸ்டர் விஸ்வநாதன் ஆனந்த் ஆகியோர் முன்னதாகவே ஓய்வு பெற்றனர்.. அதனால்தான் நம்முடைய மிகப்பெரிய செஸ் மேதையை எதிர்கொள்ள வேண்டிய சூழல் ஏற்படவில்லை’’ என பதிவிட, இதற்கு பதிலளித்து இருக்கிறார் காஸ்பரோவ்.
இதற்கு பதிலளித்த கேரி காஸ்பரோவ், “மேலிடத்தை (பிரதமர் பதவியை) வெல்லுவேன் என சவால் விடுவதற்கு முன்பு அவர் ரேபரேலியில் வெற்றிப்பெற வேண்டும்’’ என பதிலளித்து இருக்கிறார்.
இந்த பதிவு இந்திய மக்கள் மத்தியில் படு வேகமாக பரவியது. அதன்பிறகு, மேலும் அவர் பதிவை பகிர்ந்து விளக்கம் கொடுத்து இருக்கிறார் காஸ்பரோவ். அதில், ‘‘என் சிறிய நகைச்சுவை பதிவு இந்திய அரசியலில் நிபுணத்துவம் கொண்டதாக ஆகாது.. ஆனால் ஒவ்வொருவரும் 1000 கண்கள் கொண்டு அனைத்தையும் பார்த்து வருகிறார்கள்.. அதுமட்டுமல்லாது, நான் முன்பு சொன்னது போலவே, ஒரு அரசியல்வாதி என் அன்பான விளையாட்டில் ஈடுபடுவதை என்னால் ஏற்றுக்கொள்ள முடியாது’’ என பதிவிட்டு இருக்கிறார் காஸ்பரோவ்.
தற்போது வெளிநாட்டு சதுரங்க விளையாட்டு வீரர் கூட ராகுல் காந்தியை தெரிந்து வைத்துள்ளார். அரசியலில் காமெடியாக ராகுல் காந்தி பார்க்கப்படுகிறார் என்பதை அறிந்தே கலாய்த்துள்ளார்.
