ஈரோட்டில் சட்டவிரோதமாக தங்கி இருந்த வங்க தேசத்தை சேர்ந்த 2 பேரை போலீசார் கைது செய்தனர்.
கோவை, திருப்பூர், ஈரோடு உள்ளிட்ட பகுதிகளில் வடமாநில மக்கள் போர்வையில் வங்கதேசத்தினர் சிலர் ஊடுருவி வேலை பார்த்து வருகின்றனர். அவர்களை எளிதில் கண்டுப்பிடிக்க முடியாதவாறு தங்களை மாற்றிக்கொண்டு வேலை செய்து வருகின்றனர். சிலர் சட்டத்திற்கு புறம்பான காரியங்களிலும் ஈடுபடுகின்றனர்.
இந்த நிலையில், ஈரோடு மாவட்டம் பெருந்துறை சிப்காட் வளாகத்தில் உள்ள தொழிற்சாலைகளில் வட மாநிலத் தொழிலாளர்கள் பலர் தங்கி பணியாற்றி வருகின்றனர். அங்கு வட மாநிலத்தை சேர்ந்தவர்கள் எனக்கூறி வங்க தேசத்தை சேர்ந்த இருவர் சட்டவிரோதமாக தங்கி இருப்பது போலீசாருக்கு தெரியவந்தது. இதனையடுத்து இருவரையும் கைது செய்த போலீசார் அவர்களிடம் விசாரணை மேற்கொண்டு வருகின்றனர்.
