அமெரிக்க அதிபர் தேர்தலில் வரலாற்று சிறப்புமிக்க வெற்றியை பெற்ற நண்பர் டொனால்ட் டிரம்பிற்கு வாழ்த்துக்கள் என, பிரதமர் நரேந்திர மோடி தெரிவித்துள்ளார்.
அதிபர் தேர்தலில் டிரம்ப் வெற்றிபெற்றுள்ள நிலையில், அவருடைய ஆதரவாளர்கள் கொண்டாட்டத்தில் ஈடுபட்டு வருகிறார்கள். அதிபர் தேர்தலில் வெற்றி பெற்றுள்ள டிரம்பிற்கு உலக தலைவர்கள், பிரதமர்கள், தொழிலதிபர்கள் உள்ளிட்டோர் வாழ்த்துகளை தெரிவித்து வருகின்றனர்.
இந்நிலையில், அமெரிக்காவின் 47-வது அதிபராக தேர்வாகி உள்ள டிரம்பிற்கு பாரதப் பிரதமர் நரேந்திர மோடி வாழ்த்து தெரிவித்துள்ளார்.
இதுதொடர்பாக பிரதமர் நரேந்திர மோடி வெளியிட்டுள்ள எக்ஸ் சமூக வலைத்தள பதிவில்,
வரலாற்று சிறப்புமிக்க வெற்றியை பெற்ற எனது நண்பர் டிரம்பிற்கு வாழ்த்துகள். இந்தியா-அமெரிக்க விரிவான உலகளாவிய கூட்டாண்மையை மேலும் வலுப்படுத்த எங்கள் ஒத்துழைப்பைப் புதுப்பிக்க நான் எதிர்நோக்குகிறேன்.
நமது மக்களின் முன்னேற்றத்திற்காகவும், உலகளாவிய அமைதி, ஸ்திரத்தன்மை மற்றும் செழிப்பு ஆகியவற்றை மேம்படுத்தவும் நாம் பாடுபடுவோம் என குறிப்பிட்டுள்ளார்.
