தேசிய அளவில் காவல் துறையினருக்கு இடையே நடைபெற்ற போட்டியில் தமிழக காவல்துறை இரண்டாவது இடத்தையும், துப்பாக்கி சுடுதலில் தமிழக வீரர் ஆர். சதிசிவனேஷ் முதல் இடத்தையும் பெற்றுள்ளதற்கு தமிழக பாஜக தலைவர் அண்ணாமலை வாழ்த்து தெரிவித்துள்ளார். அதில் அவர் கூறியிருப்பதாவது;
“தேசிய அளவிலான காவல்துறையினருக்கான துப்பாக்கிச் சுடும் போட்டியில் முதல் இடமும், ஒட்டு மொத்த சாம்பியன்ஷிப்பில் இரண்டாவது இடமும் வென்ற தமிழக காவல்துறைக்குப் பாராட்டுக்களைத் தெரிவித்துக் கொள்கிறேன். மேலும், கைத்துப்பாக்கிச் சுடுதல் போட்டியில், முதலிடம் வென்ற தமிழக வீரர் ஆர். சதிசிவனேஷிற்கு என்னுடைய வாழ்த்துக்களைத் தெரிவித்துக் கொள்கிறேன்.
முதன்முறையாக, மாநில காவல்துறையைச் சேர்ந்த வீரர் இப்போட்டியில் வெல்வது மிகுந்த மகிழ்ச்சியைத் தருகிறது. தமிழக அணி தேசிய அளவில் மேலும் பல சாதனைகள் படைக்க வாழ்த்துக்கள்” என பாராட்டி வாழ்த்தியுள்ளார்.
