உத்தர பிரதேச மாநிலம், அயோத்தி ராமர் கோவில் கருவறையில் ‘பால ராமர்’ சிலை வைக்கப்பட்டதன் முதல் புகைப்படம் சமூக வலைத்தளங்களில் வெளியாகியுள்ளது.
இக்கோயில் கும்பாபிஷேக விழா ஜனவரி 22-ம் தேதி நடக்கிறது. இதையடுத்து ஆகம, வேத சம்பிரதாயங்களின்படி கும்பாபிஷேகத்துக்கு முன்பான அயோத்தி கோவில் வளாகத்தில் ராமர் பிரவேசம் செய்வதை குறிக்கும் நிகழ்வாக கடந்த 17-ம் தேதி பால ராமர் விக்ரகத்துடன் ஊர்வலமாக எடுத்து வரப்பட்டு நேற்று (ஜனவரி 18) கருவறையில் வைக்கப்பட்டது. இச்சிலையை கர்நாடகா மாநிலம், மைசூரு சிற்பி அருண் யோகிராஜ் உருவாக்கியுள்ளார். பால ராமர் சிலை முகம் மஞ்சள் துணியால் மூடப்பட்ட முதல் புகைப்படம் தற்போது வெளியாகியுள்ளது.
இப்புகைப்படம் தற்போது சமூக வலைத்தளங்களில் வெளியாகி வைரலாகி வருகிறது.
