பொதுமக்களைப் பாதிக்கும் பிரச்சினைகளில், துணிச்சலுடன் குரல் கொடுத்தவர் கோவை காமாட்சிபுரி ஆதீனம், சாக்தஸ்ரீ சிவலிங்கேஸ்வர சுவாமிகள் என தலைவர் அண்ணாமலை தெரிவித்துள்ளார்.
இது குறித்து தனது இரங்கல் செய்தியில் தலைவர் அண்ணாமலை கூறியிருப்பதாவது:
வணக்கத்திற்குரிய கோவை காமாட்சிபுரி ஆதீனம், சாக்தஸ்ரீ சிவலிங்கேஸ்வர சுவாமிகள் அவர்கள், இறைவன் திருவடிகள் அடைந்தார் என்ற செய்தி, மிகுந்த வருத்தமளிக்கிறது.
பொதுமக்களைப் பாதிக்கும் பிரச்சினைகளில், துணிச்சலுடன் குரல் கொடுத்தவர். ஏற்றத்தாழ்வின்றி, அனைவரும் ஒற்றுமையுடன் இருக்க வலியுறுத்தியவர். புதிய பாராளுமன்றக் கட்டிடத் திறப்புவிழாவில் பங்கு கொண்டு, பாரதப் பிரதமர் நரேந்திர மோடி அவர்களுக்கு செங்கோல் வழங்கி ஆசி வழங்கியவர்.
ஸ்ரீ சிவலிங்கேஸ்வர சுவாமிகளைப் பிரிந்து வாடும் பக்தர்கள் அனைவருக்கும், தமிழக பாஜக சார்பாக ஆழ்ந்த இரங்கல்களைத் தெரிவித்துக் கொள்கிறேன். அவரது ஆன்மா சாந்தியடைய பிரார்த்தித்துக் கொள்கிறேன். ஓம் சாந்தி!
இவ்வாறு அண்ணாமலை தனது இரங்கல் செய்தியில் குறிப்பிட்டுள்ளார்.
